عینی کو گرانا چاہتی تھی، خود ہی گرگئی، بچہ بھی مر گیا ۔۔ مائی ری میں عینی کی سوتیلی ماں کے ساتھ بُرا ہونے پر سوشل میڈیا صارفین بھی خوش

مائی ری ایک بہت مشہور پاکستانی ڈرامہ بن گیا ہے جو روزانہ آری ڈیجیٹل پر نشر ہوتا ہے۔ مائی ری میں بچوں کی شادی کے موضوع کو نمایاں کیا گیا ہے۔ مائی ری کی کہانی دو چھوٹے بچوں کی پیچیدہ زندگی کی کہانی کے بارے میں ہے جنہیں زبردستی شادی پر مجبور کیا گیا تھا۔

حال ہی میں ڈرامہ سیریل مائی ری کی قسط نشر ہوئی۔ جس میں دکھایا گیا کہ کیسے عینی کی سوتیلی ماں راحیلہ اپنے شوہر کی بھانجی کا رشتہ ایک بڑے آدمی سے کرنے کی سازش کر رہی ہوتی ہے۔ جس پر عینی سب کے سامنے اس رشتے کی مخالفت کرتی ہے کیونکہ وہ بھی بچپن کی شادی میں زبردستی دھکیلی گئی تھی اسلیئے وہ نہیں چاہتی کہ اسکی کزن ایمن کے ساتھ بھی یہ ہو۔

اس بات پر راحیلہ رشتہ نہ ہونے کا غصہ عینی پر نکالنے کی کوشش کرتی ہے اور اس پر کانچ کا گلاس پھینکتی ہے لیکن خود ہی اس سے پھسل کر گر جاتی ہے اور اس حادثے میں اس کا بچہ ضائع ہوجاتا ہے۔ ڈاکٹرز حبیب کو بتاتے ہیں کہ اب وہ کبھی ماں نہیں بن پائے گی۔ یہ خبر سن کر حبیب بیٹی کو مارنے کی کوشش کرتا ہے لیکن فاخر بیوی کو بچا لیتا ہے۔

سوشل میڈیا پر مداح عینی کے شانہ بشانہ کھڑے ہونے پر فخر اور ثمینہ کی تعریف کر رہے ہیں، جبکہ دوسری طرف راحیلہ کے ساتھ ہونے والے حادثے پر صارفین خوش ہیں۔ ان کا کہنا ہے کہ جو دوسروں کے ساتھ برا کرتا ہے ان کے ساتھ بھی برا ہی ہوتا ہے، کچھ نے کہا دوسروں کی زندگی برباد کرنے والوں کی زندگی کبھی آباد نہیں ہوتی۔ اس طرح کے ڈھیر سارے کمنٹس مداح کر رہے ہیں۔